Co Vècia Confederasion se ghe denòmena łe vàrie forme ciapae da ła Confederasion Elvètega intrà el 1291 e el 1798. La Vècia Confederasion ła zera un débołe intrezamento federałe, creà dai vari intaresi dei sìngułi menbri e mantegnesto saldo da łe numarévułe lianse incrozeae intrà łe rejon alpine e łe sità de l'Altipian Svìsaro. Bazegamente ła zera formada dai Cantoni Sovrani e dai Teritori Liai. Inte-ła-fin tuta na sèrie de teritori sotometesti, dizesti Bailiai, e protetorai i conpletava in magnera mutévołe ła zeografia elvètega.